DAKBAYAN SA DAVAO — Nagwarning na ang Korte Suprema sa mga bana nga abusador, palahubog ug nangabit, possible silang mapriso sulod sa walo (8) ka tuig ug pabayaron og P100,000.00
Ang warning gipagawas, human nakonbikto ang usa ka bana sa regional Trial Court ug sa Court of Appeals kay nakalapas kini sa Anti-Violence Against Women and Their Children Act under Republic Act No. 9262 kon VAWC.
Sa usa ka desisyon nga gipagawas niadtong Oktobre 7, 2021 nga pinirmahan ni Associate Judtive Edgardo L. delos Santos (bag-o lang miretiro), wala nganlin sa korte bana, , asawa ug mga anak aron maprotektahan ang dungog ug reputasyon sa mga biktima.
Ang desisyon nagsilot usab sab ana nga ipailawom sa mandatory psychological counseling o psychiatric treatment ug gimanduan nga moreport sa trial court sulod sa kinse (15) ka adlaw human ang iyang counseling.
Sa nahisgutang kaso, misaysay ang asawa nga 23-anyos na silang nag-ipon sa iyang bana, ug nagsige nalang kini ug hubog ug nagsige og pangbabaye.
Gisaysay sa korte, nga niadtong Oktobre tuig 2010, ang asawa ug bana nag-away ug gipalayas sa bana ang iyang asawa ug mga anak sa ilang balay. Ang eldest sa ilang lima (5) ka anak mikombinse sa iyang tulo pa ka manghud nga mobalik sa ilang balay, aron mapugos ang ilang amahan nga musoporta kanila, samtang ang ilang kinamanghuran nagpabilin sa iyang inahan.
Ang tulo nila ka anak, nagsige ug text sa ilang inahan nga nagsige og hubog ang ilang amahan ug nagdala pa kini og babaye sa ilang balay, nga iyang gipaila nga auntie kuno sa mga bata.
Nahibaw-an usab sa aswa nga ang kabit sa iyang bana, anaa na nagpuyo sa ilang balay kon conjugal home.
Saysay sa Korte Suprema, ang tanang elemento sa usa krimen ilang nakita sa kaso nga gipasaka sa asawa.
Ubos sa Section 5(i) sa RA 9262, ang mga elemento sa paglapas sa balaud mao ang mosunod “Ang agrabyado usa ka babaye ug/anak o mga bata; ang babaye asawa o kanhi asawa sa nakasala, o, ang babaye anaanakan sa lalaki, ug, bunay lehitimo nga mga anak o bisan dili, nagpuyo o bisan wala nagpuyo sa ilang balay.”
Nakita usab sa Korte Suprema nga ang sitwasyon nakahatag og kasuko, kahiubos, kagubot sa hunahuna, pakaulaw, pagpanakit pinaagi sa pulong ug emosyon, wala paghatag og sustento ug ang dili pagtugot nga makita ang mga bata,
Natimbag timbang sa Korte Suprema nga ang tanang ebidensya nga gipasaka batok sa bana nanukad sa asawa nga nasakitan kung diin dunay silay lima ka anak.
Usa sa ilang anak ang metistigo sa korte , iyang gisaysy nga ang iyang amahan dunay kabit ug iya pa kining gipapuyo sa balay sa iyang ginikanan.
Nakita usab sa korte nga dunay ‘psychological violence’ pinaagi sa pagluib ug pagpakaulaw, nga miresulta sa emosyonal nga pag-antos sa asawa.
