DAKBAYAN SA OZAMIZ –— Gimando karon ni barangay Kapitan Ricky Fuentes sa barangay Tinago, ang dili pagpasulod og laing tawo sa ilang tagsa tagsa ka mga purok sukad karong adlawa, Biernes, Septyembre 11..
Kini maoy kabahin sa ilang pagbantay nga dili mokuyanap ang coronavirus sa ilang barangay.
Gipahayag ni Konsehal Edward Uy, ang Chairman sa Committee on Health sa Barangay Council,nga nauyonan kini sa tanan sa dihang anaa sa pagtaas sa kaso sa local transmission sa barangay Malaubang ilabi na sa Purok 1, nga nahimutang sa utlanan sa barangay Tinago.
“ Atong naAy nagpositve nga taga Purok 1 Talisay sa Malaubang, duol ra man na sa Tinago, gi order dayon ni Kapitan nga dili magpa sulod ug dili taga Tinago so ang mga tawo sa kada purok iyahay na ug bantayay.” pamahayag ni Konsehal Uy.
Apan human sa duha ka semana, sa dihang milurang na ang kahimtang sa Malaubang, may na gpositibo sa COVID19 nga taga Purok seaside Tinago Ozamiz city,
Kini ang hinungdan nga ang mga tawo sa kada purok sa barangay ang iyahay na ang bantayay aron makalikay sa gikahadlokang virus sa tIbuok kalibotan.
Subay niini,nagpahigayon og contact tracing ang mga Lady COVID BHW,Barangay health midwife, ug mg opisyal sa barangay sa pagpanguna ni Kapitan Rocky Fuentes,,didto sa Purok Seaside.
Sumala pa ni Konsehal Uy, Barangay Council, nga ang nag positibo nga residente, usa ka 68 years old, walay travel history,igo lamang nga migawas sa balay kay nag kuha sa iyang social pension gikan sa DSWD.
Dili pa matumbok kon unsay hinungdan nga siya nagpositibo sa COVID19.
Mibati kini og kalisod sa pag ginhawa. Gidala siya sa MHARS MC niadtong Domingo September 6, alang sa swab test ug migawas ang resulta alas 2:00 ang takna kagahapon sa hapon September 10 nga siya nag positive sa COVID19.
“ Ang nagpositive sa Purok Seaside 68 years old igo ra na siya nag kuha sa iyang social pension, wala nay gawas gawas sa ilang balay, unya adtong Domngo, dili kaginhawa so gikuha siya og ambulansiya gidala sa MHARS MC” dugang pamahayag ni Uy.
Walay lockdown nga gihimo ang barangay kay sumala pa ni Konsehal Uy, wala morekomendar ang City Health Office alang niini kay adunay bag ong kamandoan nga dili na mag lockdown.
Hinuon ang mga direktang sakop sa pamilya u gang in close contact niini ang ipailawom sa 14 ka adlaw nga quarantine.
Girumbo sa contact tracers ang pamilya sa biktima ug ang uban pang in close contact sa pasyente.
Ang Tinago ang pinakadako nga barangay sa tibuok Misamis Occidental nga adunay 11,241 ka mga residente.
Una niini, padayong nagpahinumdum si Mayor Sancho Fernando “ Ando “ Oaminal ngadto sa katawhan nga mintinahon ang pagka responsable sa kaugalingon.
Kanunayon ang pag sunod sa health protocols sama sa pag sul ob sa face mask, proper hygiene, social distancing, ug sugod karong Lunes September 14,200, mandatory na ang pag sul- ob og face shield kon mosulod sa mga supermarkets, malls, ug sa mga government venues.
Giklaro sa batan ong Mayor nga kini maoy dugang proteksiyon sa matag usa batok sa COVID19 virus.
Ang Ozamiz City anaa gihapon sa Modified General Community Quarantine.-Expedita ‘Tata’ Roxas/Newsline.ph
