DAKBAYAN SA DAVAO — Usa ka bata ang namatay samtang upat pa niini ka igsoon ang anaa sa hospital human sila gituohang nahilo sa ilang gikaon niadtong Martes, Mayo 9, didto sa purok Pinya, Barangay Dicayas, Dipolog City.
Sa eksklusibong interview sa Radyo Agong Dipolog kang Tito Galleposo, ang padre de pamilya, wala sila sa ilang pamimalay sa dihang nangaon og balanghoy nga gituwa sa amerikan frog ang iyang mga anak.
Saysay sa amahan, milakaw siya ug ang iyang asawa ug ang lima ka bata lang ang nabilin sa balay, apan pagbalik nila ila nalang nakita nga nag-buy-od sa salog ang mga bata.
Gipakaon pa nila og lubi ug asukar ang mga bata ug dali kining gidala sa hospital.
Apan, ang 5-anyos nga bata, nakabsan sa iyang kinabuhi niadtong Mierkules sa buntag.
Samtang ang iyang upat ka igsoon nga nagpangidaron og 13, 12, 7 ug 6 anyos anaa pa sa hospital.
Nangyo og hinabang ang pamilya Galleposo tungod sa ilang kalisud sa paggasto sa hospital
