ZAMBOANGA CITY — Balik biahe na ang operasyon sa Zamboanga City ug Davao City airports human sa pagkakulgot sa libuan ka mga pasahero tungod sa kanselado nga flights niadtong Enero 1 ug 2, 2023, tungod sa problema sa sistema sa . Civil Aviation Authority of the Philippines (CAAP) sa Manila
Sa Zamboanga City International Airport kaganina normal na ang mga flights.
Nahimong miserable ang kinabuhi sa mga pasahero sa dihang nakasinati og aberya ang systema sa traffic management center sa CAAP.
Sumala ni Jaime Vicente Santos, ang officer incharge sa CAAP Zamboanga nga ang mga pasahero sa walo ka biahe kagahapon ang naapektuhan.
Samtang sa Davao City, balik normal na usab ang mga biahe sukad pa kagahapon sa alas 5:30 sa hapon.
Sa usa ka virtual conference, gisaysay ni CAAP Director General Capt. Manuel Tamayo nga ang mga teknolohiya nga milambigit sa komunikasyon, Navigation ug Surveillance Systems for Air Traffic Management sa Philippine Air Traffic Management Center nga problem ana sukad niadtong 1990 apan nahuman lang niadtong tuig 2019.
Sumala ni Director General Tamayo, una pa nahitabo ang aberya, iya nang naing-nan ug napadala na nila ang ilang rekomendasyon kang Transportation Secretary Jaime Bautista ug kang Presidente Ferdinand Marcos Jr. . Gikinahanglan na kuno ang modernong air traffic management system sa Pilipinas.
