DAKBAYAN SA DABAW – Bisan dunay krisis tungod sa coronavirus-19, daghan gihapon ang nagpa-enroll sa pampublikong eskuelahan sa Davao Region .
Gani, nalampasan niini ang iha sa mga estudyante nga mi-eskeula niadtong milabayng tuig.
Sa usa ka virtual presser, gibutyag ni Jenielito Atillo, tigpamaba sa Department of Education (DepEd) XI nga mikabat sa 1,059,160 ka mga istudyante ang pagpalista sa lainlaing publiko nga mga eskuylahan sa Davao Region alang sa tuig 2020-2021.
Opisyal nang nagsira ang enrolment kaniadtong Hulyo 15, apan giingon ni Atillo nga gilugwayan pa sa DepEd-11 ang enrollment period hangtod sa Setyembre.
Sa pagpalawig sa pagpalista, si Atillo malaumon nga mga enrollees parehas o mas motaas pa sa miaging tuig nga dunay 1,161,883 ka mga enrollees.
Sumala sa datos sa DepEd mao kini ang total nga nagpa-enroll sa matag lebel: Kindergarten-75,147, Elementarya- (Grade1-6) 550,179, Junior High School (Grade 7-10) 338,652, ug ang Senior High School (Grade 11-12) 95,222.
Samtang, daku ang pagkunhod sa mga nagpa-enroll sa mga pribadong tulunghaan alang sa school year 2020-2021, nakatala sila ug 75,539 enrollees gikan sa 196,640 niadtong milabayng tuig.
Mao kini ang ihap sa mga estudyante nga nagpa-enroll sa pribadong tulonghaan: : Kindergarten-2,518, Elementary-16,475, Junior High School- 25,333 ug Senior High School-29,230.
Ilang naobserbahan nga ang daghan ang gikan sa pribadong eskuelahan ang mitabok sa pampublikong tulunghaan, maong nikunhod ang nagpa-enroll sa pribadong eskuelahan.
Ang pagkunhod sa mga estudyante nga mo-eskuela alang sa kasamtangang tuig usa ka indikasyon daku ang epekto sa coronavirus pandemic sa ekonomiya sa matag pamilya.
Tungod sa hulga sa Covid-19, wala na ang face to face nga pagtudlo sa bata, gani, daku og papel ang mga ginikanan sa pagtabang og tudlo sa ilang anak, kay sa ila na mang balay magpuyo ang bata samtang nag-eskuela kini.
Gibutyag ni Atillo nga andam ang mga module nga gamiton sa mga estudyante ug andam na ang mga magtutudlo alang sa pag-abli sa klase.
Gipasalig sa DepEd nga mahatagan ang kalidad nga edukasyon alang sa SY 2020-2021 pinaagi sa paghiusa sa Self-Learning Modules (SLMs) uban ang kapilian nga pamaagi sa paghatud sa pagkat-on – modular, nakabase sa telebisyon, instruksiyon nga nakabase sa radyo, ug online.
Giingon niya nga ang mga SLM gihatag sa giimprinta nga pormat sa mga eskuylahan nga nahimutang sa mga lugar sa baybayon, mga probinsya nga malayo, ug mga komunidad nga wala ma-access sa internet o kuryente.
Alang sa mga panimalay nga adunay mga gadget ug aparato, gipahibalo sa Department nga ang mga SLM mahimong ma-access usab sa online o offline. “Giandam ang DepEd alang sa pag-abli sa klase ug mga modules.
Ang mga module naggikan sa duha nga mga gigikanan, gikan sa sentral nga opisina sa DepEd alang sa paghimo sa tanan nga mga modules ug pag-download niini ug ikaduha nga mga opisina sa rehiyon ug mga opisina sa division sa eskuelahan aron maghimo sa ilang kaugalingon nga mga module aron madugangan ang suplay,
“Kami naningkamot kutob sa among mahimo sa pag-atubang sa mga problema ug ania kami aron matubag dayon. Nagpasalamat kami sa mga lokal nga estasyon sa radyo ug telebisyon busa sa mga local government units (LGUs) nga nagtabang kanamo sa bag-ong normal nga kahimtang, ”Saysay ni Atillo.-Winkle Mae tabuclao/Newsline.ph
