DAKBAYAN sa DABAW, PILIPINAS — Sikop ang upat ka sundalo ug usa ka suspetsadong gun-for hire didto sa Tagum City, Davao del Norte human sila misukol sa otoridad niadtong Sabado, Nobembre 11, 2017.
Ang nasikop giila ni Naravy Duquiatan, acting director sa Philippine Drug Enforcement Agency 11 (PDEA 11) sila Cpl. Cristiuto G. Macagubang Jr. nga sakop sa 3rd Infantry Batallion ug nadistino sa Barangay Malagos in Baguio District; Cpl. John Louie Segovia ug Sgt. Albin Binondo, sakop sa 10th Infantry Division; John Rey Mission, membero sa Task Force Davao; ug Regie Impas, nga gikaingon ngagun-for-hire.
Gihimo ang buy-bust operasyon pinaagi sa tabang sa Task Force Davao, Task Force Tagum, Tagum City Police Station ug 46th IB, sa Purok Talisay, Seminary Drive didto sa Barangay West Magugpo.
“Napalitan ni sila, nagkasinabot ni sila,” matud pa ni Duquiatan.
Sa dihang gipang-aresto ang mga suspetsado, misukol kuno sila nga miresulta sa pag-pinusilay.
Nasamdan si Impas ug gidala gilayon kini sa Davao Regional Medical Center.
Apan human sya natambalan gibaldhug siya sa prisohan sa PDEA 11.
Nakuha gikan sa mga suspetsado ang lima ka gramo ng gisuspetsahang shabu ang adunay kantidad PHP75,000, tulo ka .45 nga pistola, mga bala ug mga motor.
Ang lima mag-atubang sa kaso basi sa pagsupak sa Republic Act 9165 o Comprehensive Dangerous Drugs Act of 2002 tungod sa pagpamaligya ug pagbaton sa ginadili nga droga.-Armando B. Fenequito/Newsline.ph
Leave a Reply
You must be logged in to post a comment.