P1-milyon nga suporta alang sa namatay nga sundalo sa Marawi

Posted on

DAKBAYAN SA MANILA, Pilipinas —Mitunol ug usa ka milyon nga suporta ang usa ka tigama ug ilimnon alang sa mga pamilya sa sundalo nga namatay sa gira sa Marawi.

Gidawat ni AFP Vice Chief of Staff, Lt. Gen. Melchor Mison Jr., ang tseke nga adunay pondo nga usa ka milyon sa  seremonya ngna gipatigayon didto sa Camp Aguinaldo niadtong milabayng simana.

Matud pa ni Col. Edgardo Arevalo, tigpamaba sa AFP “Dili gusto ang donor nga ibutyag ang ilang companya o pangalan sa tag-iya, gusto sila makatabang sa pamilya ug mga anak sa mga sundalo nga namatay didto sa gira sa Marawi.”

Mao kini ang ikatulong higayon nga nakadawat ug donasyon ang mga pamilya sa nakalas nga sundalo sa Marawi.

Ang tseke gideposito as banko sa ngalan “AFP’s Marawi Casualty” sa Landbank. Ang libro sa banko mao ang opisyal nga account sa mga pamilya sa sundalo nga namatay sa Marawi.

Nagpasalamat si Arevalo sa mga nagtabang ug naghatag ug pinansyal nga suporta sa mga pamilya nga nabiyaan sa namatay nga sundalo.-Harold V. Pontongan/Newsline.ph

Be informed
  •  
  •  
  •  
  •  
  •  
  •  
  •  
  •  
  •