Putot puede na mag pulis

DAKBAYAN SA DABAW, MINDANAO — Ang kuwang sa barog o putot  puede na mag-aplay paka pulis.

Kini, human nagpagawas ug kamanduan ang  National Police Commission (Napolcom) nga modawat na sila ug aplikante sa pulis nga kulang sa gitas-on,

Matud pa ni Napolcom Vice Chairman ug  Executive Officer Rogelio T. Casurao, sugod sa  Apr. 22, 2018 ang mga aplikante kinahanglan lang mopasar sa eksaminasyon nga ihatag sa Napolcom, Filipino, nakahuman sa iyang kurso ug nag pangidaron sa dili molapas sa 30 anyos.

Gi-otro sa Napolcom ang ilang rekisitos sa gitas-on, kaniadto dili puede mag aplay paka pulis kon kulang sa gitas-on, gikinahanglan  makaabot ug 5’4″ ang lalaki ug 5’2′ sa babaye.

Matud pa ni Casuaro, aduna na sab kunoy  “On-Line Examination Application Scheduling System (OLEASS)” nga makita sa website www.napolcom.gov.ph or www.napolcom-oleass.com alang sa mokuha sa entrance exam ug sa Promotional Examinations.

Ang online nga eksaminasyon sa mo-apply sa  PNP gitakdan karong Enero  29 hangtud  Feb. 2, 2018 ; samtang sa Pebrero  5-9, 2018 ang  Police Officer (PO) eksam; ug sa Feb. 12-16, 2018 ang Senior Police Officer (SPO), Inspector (Insp.) and Superintendent (Supt.) nga eksaminasyon.

Kinahanglan magpa reserba ang mga aplikante pinaagi sa online appointment sa mga adlaw kung kanus-a matunong ang klase sa eksaminasyon nga ilang kuhaon.

Si Casurao nagbutyag nga a  OLEASS usa ka bag-ong pamaagi aron mapasayon ang pagproseso sa mga aplikante ug sa mga motaas ang ilang rangko.

Adunay bayronon nga P400 sa entrans  eksam ug  sa  Police Officer eksam  PHP450; P500 para sa  SPO nga eksam ug P600 alang sa  Supt. Exam.-Harold V. Pontongan/Newsline.ph