Duha ka notadong drug pusher gipasakahan ug kaso

Posted on

DAKBAYAN SA DABAW, Mindanaw— Gipasakahan na ug kaso sa Philippine Drug Enforcement Agency (PDEA 11) ang ika-walo nga Drug Personality sa Davao Occidental niadtong miaging adlaw.

Gikasuhan na sa PDEA si Florante Flores, 42 anyos minyo ug usa ka driver.

Si Flores nasikop sa gihimong buy bust Operation kuyog ang Malita Police Station, niadtong Pebrero 7, alas 10:20 sa kagabihon, sa sitio Ipil, Brgy Poblacion.

Nagmalampuson ang usa ka ahente sa PDEA sa pagpalit og illegal nga druga kang Flores sa kantidad nga kinyentos pesos.

Samtang sa pagrekisa ngadto kang Flores, nakuhaan pa kini ug laing duha pa ka sachet sa shabu.

Nanganti ang PDEA11 nga di niini lung-an ang mga anaa sa listahan hangtud nga di muundang sa pagpayuhot ug illegal nga druga.

Sa laing bahin, nadakpan sa mga sakop sa Talomo Police Station ang babayeng iladong tigpayuhot ug illegal nga druga sa area sa Talomo ug Toril sa Buy Bust Operation alas 9:40 kagabie, Pebrero 12, 2018.

Ang suspect nailhang si Ruth Basiliote Ruden, 43 anyos ang pangidaron.

Mga kurarta nnga nasakmit gikang kang Ruth Ruden sa buy-bust operation.-Rey Nuñez/Newsline.p

Gidakop si Ruden human kining mitunol ug usa ka rectangukar size nga sachet sa shabu ngadto sa usa ka pulis nga nagpaka arun ingnong mamalitay ug illegal nga druga, sa kantidad nga Dise Nuebe Mil Pesos, apan usa ka libo ka pesos lamang ang tinuod nga kuarta sa Dise Nuebe Mil Pesos nga gitunol ngadto sa suspek.

Sa pag rekisa nakuhaan pa ang suspect ug duha ka rectangular size nga shabu ug usa pa ka square shape nga shabu…

Sumala ni PCI Ronald Lao Station Commander sa Talomo Police, ang mga druga nga nakuha kang Ruden dunay street value nga 157,500 pesos ug mismong si Ruden ang byahidor nga gakuha sa mga illegal nga druga ngadto sa Maramag, Bukidnon pasulod dinhe sa Davao City.

Ang suspek nga si Ruden mag atubang ug kasong pagsupak sa Republic Act 9165 kun Comprehensive Dangerous Drugs Act of 2002 diin kasamtangan nga gina andam ang mga dokomento arun ma filan kini ug kaso.-Rey Nuñez/Newsline.ph

Be informed
  •  
  •  
  •  
  •  
  •  
  •  
  •  
  •  
  •