PROBINSYA SA COMVAL, , Mindanao — Hugot nga gi kondena ni Gubernador Jayvee Tyron Uy, ang pag pusil patay kang ABC chairman Danilo Daanton sa Barangay Banlag, Monkayo.
Gideklarang Dead on Arrival sa Comval Provincial Hospital si Daanton human kini naka hiagom ug mga samad pinusilan sa nagkadaiyang parte sa iyang kalawasan kagahpon Abril 21, 2018.
Ang 44 anyos nga barangay kapitan sa brgy. Banlag Monkayo Comval, gipusil alas 5:55 kaniadtng Biernes sa wa mailhing suspetsado didto sa Purok 9 Golden Plains Subdivision Barangay Poblacion Monkayo, Compostela Valley Province.
Nasayran sab nga tuig 2016 pa dunay hulga sa iyang kinabuhi si Daanton tungod sa iyang kalambigitan sa pagpasurender sa mga sakop sa New Peoples Army (NPA)
Nakuha sa crime scene ang lime (5) ka mga empty shells ug tulo (3) ka mga slugs sa .45 caliber pistol.
Tungod niini dali sab dayon nga nagmugna ug SITG Daanton ang Acting Provincial Director sa Compostela Valley Police Provincial Office nga si PSSupt. Rhoderico Roy alang sa hinanaling pagsulbad sa krimen.
Sa gihimong imbestigasyon sa kapulisan, nasayran nga palakaw na unta ang biktima sa maong lugar sakay sa iyang motorsiklo, samtang nakigstorya pa sa iyang mga kadula sa basketball kalit kunong gipusil si kapitan sa wa mailhing mga suspect igo sa mga nagkalain laing parte sa iyang lawas nga maoy hinungdan sa iyang kamatayon.
Sumala ni governor Tyron Uy nga gikinahanglan gayud imbistigahan ang mga nagpaluyo sa kamatayon ni kapitan Daanton.
si Daanton kaamtangang ABC chairman kinsa magpasubli sa pagkakapitan naila gayud sa iyang pagkamatinud-anon nga punong barangay ug nakadawat na kini sa daghang mga pasidungug sa iyang lederato sama sa pagkapili sa barangay banlag isip Pilot program sa Oplan liwanag kung diin nagmalampuson gayud kini uban sa mga na transpormang drug surrenders sa maong community base program nga gimugna sa probinsya ubos sa pagduma ni governor Tyron Uy ug kinatibuk-ang opisyal ug nagkadaiyang sektor.
Nagbangutan usab gayud si mayor Ramil Gentugaya kinsa naga kumenda gayud sa mga kuntribyusyon sa maong kapitan sa lungsod sa monkayo ingun man usab ang mga kapitan sa compostela valley sa maong panghitabo kung diin gipadayon pa ang makuting pagpanubay hangtud ning mga taknaa.- Jun Tabas og Rey Nunez/Newsline.Ph