Imported nga bugas gikan sa Thailand gibukbok

Posted on

DAKBAYAN SA DABAW (Agosto 23) — Gipangbukbok  ang sinakong bugas nga gipalit sa National Food Authority (NFA)  gikan sa nasud Thailand, ug padayon pa kining gibutangan ug tambal aron mamatay ang mga dangan.

Mokabat sa sento otsentay sais (186,000) mil ka sako sa bugas ang   gipalit gikan sa Thailand, ug nadisobrehang napuno na kini sa bukbok samtang gi-diskaraga na kini gikan sa barko.

Sa  taho nga gipagawas sa Philippine News Agency, nagbutyag nga  si  Engr. Alan Sabaybay,   ang NFA provincial manager sa Bicol nag-ingon  nga normal na kuno nga naay bukbok ang bugas.

“Normal man gyud nga naay insekto o bunhok nga makit-an sa bugas, mao gani nga naa tay mga eksperto gikan sa Department of Agriculture ug sa NFA para mo-tan aw niini. Sila ang mga personahe nga naga-eksamin sa kalidad sa bugas nga atong gina-angkat gikan sa laing nasud. Maskin sa mga warehouse, naa gihapoy mga bukbok, mao nga ga-sige mi ug butang ug tambal aron mawala ang bukbok.”

“Temporaryo namong gi-undang ang pag-diskarga human nakita nga daghang bukbok ang nagkamang sa mga sinako nga bugas sulod sa barko,” midugang si Sabaybay.

“Nanghinaut mi nga ang mga bugas nga gikan sa Thailand ug midonggo diri sa Tabaco Port mahuman na ug diskarga sa unang semana sa Septembre.” sya midungag.

Ang barko nga nagkarga sa bugas nidunggo niadtong Agosto 7, apan tungod kay nagdaut ang panahon, nasugdan kini ug diskarga niadtong milabayng semana.

Ang pag-tambal sa bukbok, gilauman nga mahuman sa September 1 o 2.

Gilauman usab nga moabot ang dugang sinto saysentay kuatro (164,000) nil  ka sakong bugas karong Agosto 25.

Bisan pa man nga nag-import ug bugas ang nasud, gipasabot ni Sabaybay nga mahal gihapon ang bukas sa merkado tungod kay limitado ang suplay sa NFA.-Harold V. Pontongan/NewsLine.ph

Be informed
  •  
  •  
  •  
  •  
  •  
  •  
  •  
  •  
  •