21 anyos nga dalaga gilugos, gitadtad sulod sa iyang balay

Posted on

DAKBAYAN SA DABAW (Septembre 24)— Gilugos, pagkahuman  gitadtad,  hangtud namatay ang usa ka dalaga sulod mismo sa iyang pinuy-anan, didto sa Purok 7, Barangay Lanao, Kidapawan city.

Giila sa kapulisan ang biktima nga si Angelica Fernandez Luzuriaga, 21 anyos, empleyado ng Rian Motors sa maong syudad.

Basi sa report sa Kidapawan PNP, niadtong Sabado, mga alas 7:40 sa gabii, nagpahibalo ang silingan ni Luzuriaga nga dunay patayng lawas sa ilang lugar, maong midali ug responde ang kapulisan.

Naabtan sa mga pulis ang biktima nga naligo sa iyang kaugalingong dugo ug nalukop uga samad tinadtaran ang lawas sa biktima.

Matud ni SPO1 Mepeboset Himalaya, ang imbestigador sa kaso, giguba sa suspetsado ang kahoy nga bintana sa likud nga bahin sa balay sa biktima ug didto kini miagi pasulod sa balay sa biktima.

Sumala ni P/Supt. Ramel Hojilla ang hepe sa Kidapawan City PNP, nag-inusara ang biktima sa  balay kay nia man dinhi sa Dabaw ang iyang pamilya.

Natingala daw ang mga silingan sa biktima nga wala na kini mogawas sa iyang balay niadtong sabado, ug naka desisyon sila nga ilang sudlon ang balay, ugu didto ilang nakita nga nagbuy-od ug wala nay kinabuhi ang biktima.

Nagduda ang kapulisan nga kaila sa biktima ang naghimo sa krimen.

Si Kidapawan City Mayor Joseph Evangelista, mohatag ug ganti nga P100,000 aron madakpan ang suspetsado.-Harold V. Pontongan/NewsLine.ph

Be informed
  •  
  •  
  •  
  •  
  •  
  •  
  •  
  •  
  •