Pasyente nga dunay Coronavirus miambak sa hospital, patay

Posted on

DAKBAYAN SA DABAW – Usa ka pasyente nga nagpositibo sa Coronavirus-19 (Covid-19) ang nagpakamatay pinaagi sa pag-ambak gikan sa bintana ikatulong andana sa Vicente Sotto Memorial Medical Center (VSMMC) sa Dakbayan sa Cebu, kagahapon sa buntag.

Ang 48-anyos nga pasyente, na-admit sa hospital niadtong lunes alas 3:08 sa hapon, ug kagahapong buntag nagpakita na kuno ug dili maayong lihok sa sulod sa iyang lawak.

Sa usa ka Facebook post kagahapon, gipadangat sa tigdumala sa VSMMC ang ilang pahasubo sa pamilya sa pasyente. “He died in an apparent suicide (Namatay sya sa kay posibleng nag suicide),” sumala sa pamahayag sa hospital.

Dili na kinahanglan nga i-kondema ang nahitabo ug basulon ang usa tungod sa insidente “We need encouragement. We need each other, We all need compassion not blame (Kinahanglan namu ug kadasig, kinahanglan natu ang usa’g usa, kinahanglan nga magkasinabot ug dili magbasulay,” dugang sa sulat pahayag sa VSMMMC.

Ang sulat pahayag sa hospital nga gipagawas sa Facebook pinaagi ni Dr. Gerardo Aquino Jr., VSMMC medical chief, nagbutyag “Ang pasyente gi-admit tungod sa Covid-19 pneumonia” niadtong Lunes ug didto gibutang sa ikatulong andana sa hospital.

Sumala ni Aquino, ang nurse nga nag-duty nakakita ug kalit nga pagbag-o sa lihok sa pasyente niadtong sayo sa Buntag sa Martes, sama sa pagsige ug kanta nga kusog kaayo iyang tingog ug pagsumbag sa salamin nga pultahan sa iyang lawak.

Nakita kuno sa guardya nga nag sige ug paso paso ang pasyente sa lobby sa hospital ug gani iyang gi-ingnan nga magpuyo lang ug dili na maglangas.

Apan kalit nga gibuak sa pasyente ang bintana doul sa elevator ug miambak kini, sumala ni Aquino.

Sa gihimong eksaminasyon sa lawas sa biktima nakit-an nga dunay mga bali sa iyang lawas, nga maoy hinungdan sa iyang hinanaling kamatayon.

Gideklarang patay na ang pasyente alas 8:40 sa buntag kagahapon.

Sumala ni Aquino, ila gilayon gipahibalo ang pamilya sa pasyente kung ila kining gikuha sa morgue bantang alas 3:00 sa hapon.

Gi-imbistigahan kuno dayon sa kapulisan ang insidente ug gani nagpangutana ang otoridad sa mga empleyado sa hospital isip kabahin sa ilang imbestigasyon.

“Tanan halos nakasinati ug emotional, mental, ug physical drain tungod sa sitwasyon karon, among gihangyo ang publiko nga padayong maghatag ug suporta ug mag-ampo ang matag-usa alang sa tanang pasyente ug sa mga health workers aron dili sila mag stigma ug walay diskriminasyon,” dugang ni Aquino.-Newsline

Be informed
  • 28
  •  
  •  
  •  
  •  
    28
    Shares
  • 28
  •  
  •  
  •