Kaso sa Covid-19 mitaas human giluagan ang ‘quarantine’ – DOH

Posted on

DAKBAYAN SA DABAW — Namatikdan sa Department of Health (DOH) nga dunay pagtaas sa kaso sa coronavirus disease 2019 (Covid-19) sa pipila ka rehiyon sa nasud sa dihang giluagan ang ang ‘quarantine’ status ngadto sa general community quarantine (GCQ) sa Metro Manila ug uban pang mga probinsya sukad niadtong Hunyo.

Sa online briefing kagahapon, gibutyag ni Dr. Beverly Ho, DOH Health Promotion and Communication Service director, nga samtang nagpabiling taas ang kaso sa Covid-19 sa National Capital Region (NCR) ug sa Rehiyon 7 (Central Visayas) niadtong milabayng mga bulan, ang ubang rehiyon mitala kini og pagtaas sa mga kaso sa milabayng 14 ka adlaw.

Sumala ni Ho “Lumalaki na din po ang mga kaso na nanggagaling sa ibang mga rehiyon. Makikita natin na tumataas ang kaso ng Region 8 dito.”

Sa rekord sa DOH sa milabayng 14 ka adlaw, nakita niini ang pagsaka sa kaso sa lima ka rehiyon og nag-una gihapon ang NCR nga dunay 3,641 ka bag-ong kaso, Central Visayas dunay 2,573, Calabarzon -405, Eastern Visayas- 234, og sa mga bag-ong nakauli sa pilipinas 198.

Kung i-kompara sa rekord niini sukad nagsugod ang Covid-19 ; ang NCR dunay 9,921, Central Visayas -5,902, Calabazon-1,092 , Central Luzon 413 ug ang mga nanguli 1,778.

Gipasabot ni Ho, nga ang pagsaka sa kaso gumikan sa pagluag sa ‘quarantine’, ug sa pagdaghan sa gina-test kada adlaw-gikan sa 8,000 hangtud 10,000 kada adlaw niadtong Marso, karon anaa na sa 16,000 kada adlaw; ug dugang niini ang community transmission sa sakit.

Gihimong pananglitan ang community transmission sa Cebu sa Central Visayas nga dunay pagsaka sa 32.8 percent ang positivity rate (gikan ka 644 nga gitesting kada adlaw) sukad June 16 hangtud 24.

Bout pasabot niini, nga sa kada 100 ka tawo nga gitesting, halos 33 ang nag positibo sa coronavirus, saysay ni Ho.

Sa susamang higayon sa NCR, matud ni Ho ang positivity rate kay 7.2 percent (9,877 testing kada adlaw), samtang sa ubang rehiyon sa nasud adunay 6.8 percent positivity (15,168 testing kada adlaw).

Maka-alarma ang bag-ong datos, matud ni Ho, apan gibatukan kini pinaagi sa paghatag og critical care utilization rate, bout pasabot nga ang sistema sa nasud sa pagtagad sa mga pasyente nagpabiling maayo.

Ang nasud adunay total bed capacity nga 13,532 ug 2,007 ventilators (19.49 porsyento ang kasamtangang ginagamit) alang sa pasyente sa coronavirus.

Gi-awhag ni Ho ang katawhan nga padayong nga magsout ug mask, kay sumala niya sa mga pagtuki nga gihimo 85-porsyento kining makatabang nga dili matakdan ang individual samtang sa pagsunod sa social distancing 80 usab ang tsansa nga dili ka matakdan.-Newsline

Be informed
  • 22
  •  
  •  
  •  
  •  
    22
    Shares
  • 22
  •  
  •  
  •