DAKBAYAN SA DABAW (Hunyo 28) — Gi-ronda sa Criminal Investigation and Detection Group (CIDG)-Caraga, ang buhatan sa “Forex Trading’ kagahapon sa kaadlawon ug nakuha sa otoridad ang P23-milyones nga salapi gikan sa pinuy-anan sa negosyanteng nagpadagan sa maong ‘investment scheme’..
Apan, gi-akusahan sa mga investor ang CIDG ug kapulisan kay wala kuno nila gibutyag ang tinoud nga kantidad, gani sa mga social media post, daghan ang naa-ingon nga P208-milyones ang nadagit.
Ang maong alegasyon gianghimakak ni Lt. Col. Cholijun Caduyac, direktor sa CIDG-Caraga, matud niya tanang kuarta nga ilang nakuha, gitarong ug ihap atubangan sa mga saksi didto sa Barangay Cubi-Cubi, Nasipit, niadtong Mierkules sa gabii.
“Ang social media walay tinoud ana- puro bakak, hanggang madaling araw nagtrabaho kami-nandito sila, duha ka local opisyal, duha ka media, gi-ihap until the last centavo nabigyan sila ng copy sa inventory,” Saysay ni Caduyac.
Ang mga deklarasyon ni Caduyac gipagawas sa Facebook sa CIDG-Caraga.
Sa Social Media, matud ni Caduyac “anything you can shout, kahit ano, kasi freedom of expression man, freedom of the press, everybody is entitled to his opinion- but not to his facts.”
Natumbok sa otoridad ang insaktong lugar sa balay nga gitaguan sa kuarta, human aksidenteng nadakpan ang usa ka pick-up nga nailhang ginadala-dala sa opisyal sa Forex.
Matud pa ni Caduyac, nakatakda na ang ‘pay out’, apan wala mopakita ang taga Forex, hinungdan nga daghan na ang nangita.
Apan, sulagma nga nadakpan ang usa ka Ford Ranger nga gimaneho ni Barnard dela Cruz, mga alas 8:30 sa buntag, ug ang mga tawo nga nakaila sa sakyanan ang nagbutyag nga mao kini ang ginagamit sa mga opisyal sa Forex.
Si Dela Cruz na usab ang nagtudlo sa lugar nga gitaguan sa mga opisyal sa Forex.
Unya, Hunyo 28, matud ni Caduyac, ilang ipasaka ang kasong lage-scale estafa batok sa mga nagpaluyo sa Forez.
Apil sa ebidensya nga ilang isumitir sa korte mao ang mga kinahon nga kuarta nga mokabat sa P23-milyones, logbook og counting machines.
Wala gbutyag ni Caduyac ang pangalan sa negosyante nga nagpaluyo sa Forex.
Gihangyo ni Caduyac ang katawhan sa Caraga nga dili masuko kanila tungod kay ila lang gihimo ang ilang trabaho.
Matud ni Caduyac, kung legal ang operasyon sa maong negosyo, “NGanong nagtago tago man sila?”.-Jap/NewsLine.ph
