DAKBAYAN SA KIDAPAWAN —-SAMARAN ang 26 ka pasahero apil ang driver, sa dihang nahulog sa kanal ang Mindanao Star bus didto sa Crossing Km. 114, Barangay Amas Kidapawan, North Cotabato kagahapon, Enero 3, 2020 sa  alas dos sa buntag.
Sumala ni Police Provincial director Lt. Col. Bernard Tayong, misaysay si Jimmy Jose, ang driver sa bus nga nagdagan ang bus nga dunay number 15676 nga gikan sa Davao City paingon kini sa Cotabato City, apan wala mipaak ang iyang brake tungod kay dangog kuno ang karsada, hingungdan nga na diritso sila sa kanal.
Gidala gilayon ang mga samaran nga pasahero sa North Cotabato Provincial Hospital ug ang uban nakagawas dayon tungod kay mga pangos lang ang ilang naaguman.
