DAKBAYAN SA ZAMBOANGA— Tulo patay samtang upat ang naangol sa dihang nahulog sa kanal ang bus nga ilang gisakyan didto sa Zamboanga-Pagadian Highway niadtong Sabado alas 7:00 sa buntag.
Sumala ni Major Helen Galvez, tigpamaba sa Police regional Office -9 , nawad-an kuno ug balanse ang drayber hinungdan nga nahulog ang bus sa kanal, didto sa Barangay Lutiman, Alicia, Zamboanga Sibugay.
Ang Lizamay Express Bus, nga dunay 45 ka pasahero naglawig gikan sa Oluntanga, Zamboanga Sibugay paingon sa dakbayan sa Zamboanga sa dihang nahitabo ang aksidente..
Giila ni Galve ang mga namatay nga biktima nga sila si Gertrudes Baya, 73; Rina Mualam, 14; og Salma Mualam, 35.
Ang drayber nga si Noriel Andico nagsaysay sa kapulisan nga nawad-an kuno siya ug kontrol sa sakyanan kay wala mopaak ang ‘brake niini.’-jap/newsline.ph
