Kita sa SM miubos og 16% sa unang kwarter

Posted on

DAKBAYAN SA DABAW — Mikonhud og 16 porsiento ang kita sa SM Investments Corp. sa unang tulo ka bulan sa tuig 2020 tungod sa epekto sa coronavirus disease (Covid-19) pandemic ug sa enhanced community quarantine (ECQ).

Sumala sa kadagkuan sa SM Investments Corp. naapektuhan gayud sa coronavirus pandemic ang ilang mga tindahan, mitala lang kini ug halin nga P9 bilyones sa Enero-Marso kumpara sa P10.7 bilyones nga kita sa susamang period
miaging tuig.

Ang ilang consolidated revenues, hinuon, misaka ngadto sa P111.2 bilyones gikan sa P109 bilyones.

Ang ilang mga banko mitampo og 46 porsiento sa ilang net income, samtang ang Property midugang og 44 porsiento ug ang Retail mipuno og 10 porsiento.

Si SM president Frederic DyBuncio nag-ingon nga ang ECQ ug ang pandemya nakaapekto gyud sa ilang kita sa unang tulo ka bulan karong tuiga.

“The ECQ and broader pandemic started to weigh on our performance during the first quarter,” saysay ni DyBuncio.

Sa panahon sa krisis, ang SM mipatuman og mga sanitation protocol sa tanan nilang mga patigayon.

Mitabang usab sila sa paghatag og suporta sa mga tambalanan tibuok nasud ug nakigtimbayayong sa gobyerno ug sa ubang organisasyon alang sa pagtukod og mga quarantine ug testing facility.

Ang Banco de Oro (BDO) Unibank mipatik og P8.8 bilyones nga kita sa unang kwarter gikan sa P9.8 bilyones sa miaging tuig, samtang misaka ang kita sa China Bank og 19 porsiento (P2.2B).

Ang SM Prime Holdings mitala og consolidated net income nga P8.3 bilyones, ubos og 5 porsiento gikan sa ilang P8.8 bilyones nga kita sa unang tulo ka bulan sa 2019.

Gawas sa mga tindahan nga namaligya og mga batakang produkto, ang mall business sa SM, kung diin gikan ang 47 porsiento sa ilang consolidated revenues, ilang gipasirhan sukad sa pag-implementar sa
ECQ.

Ang grupo sa Property, nga gipangulohan sa SM Development Corp., mipakita og 23 porsiento nga pagsaka sa ilang kita ngadto sa P11.4 bilyones gikan sa P9.3 bilyones sa miaging tuig.

Misaka usab ang kita sa mga patigayon nga gidumala sa SM Retail Inc. gikan sa P79 bilyones niadtong 2019 ngadto sa P81 bilyones karong tuiga. (LBG)

Be informed
  • 24
  •  
  •  
  •  
  •  
    24
    Shares
  • 24
  •  
  •  
  •