DAKBAYAN SA DABAW — Gimanduan ni Philippine National Police Chief Police General Camilo Cascolan ang mga PNP Unit Commanders nga mohimo og inventory sa tanang mga impounded motor vehicles isip mga ebedensya sa mga criminal cases, dungan sa pagpatuman ug surprise camp lockdown aron nga inspection ang mga unregistered, recovered, impounded, carnapped o ba kaha kinawat nga mga sakyanan nga posibleng gigamit sa mga PNP units o PNP personnel.
Pinaagi sa Director for Operations nga si Police Major General Alfred Corpuz hugot nga ipa implementar ni Chief PNP ang PNP SOP No. 2011-004 kon ang Revised Procedure in the Reporting and Disposition of Stolen and Recovered/Impounded Motor Vehicle.
Buot ni Cascolan nga manguna sa pagahimuong crackdown nationwide ang PNP Highway Patrol Group o HPG ug ang PNP Integrity Monitoring and Enforcement Group o IMEG.
Makig-alayon ang Regional Highway Patrol Units sa mga operatiba a PNP-IMEG alang sa pag-supervise sa accounting sa tanang mga motor vehicles ug motorcycles nga impounded sulod sa kampo sa mga police ug sa mga police stations.
Sumala ni Cascolan nga mas pakusgan sa PNP ang kampanya sa pagbawal sa paggamit sa mga unregistered, recovered, impounded, stolen vehicles and motorcycles ug ang pagpananggal og mga spare parts ug accessories sa mga sakyanan nga impounded.
Karun palang gipasidan-an na ni Cascolan ang mga pulis nga ang mga masakpan sa maong mga violations, nga mag-atubang kini og kasong adminsitratibo ug kriminal.
Ang pagpatuman sa PNP Internal Cleansing ipatuman sa way kahadlok ug way pagpaborpabor.
Apan, nagpabilin ang realidad nga daghang membro sa PNP ang mogamit sa mga nakunpiskang mga sakyanan, mga sakyanan walay restro tungod kay sagad kulang ang sakyanan nga gihatag sa national nga buhatan sa PNP alang sa mga rehiyon.
Sa mga lagyo ug hilit nga lungsod, ang sakyanan sa pulis nagkagidlay uga walay tarong nga mintinans tungod kay ang pondo alang sa mga istasyon dili makaabot kanila.
Angayan usab mahibalo si Cascolan nga ang mga budget sa supply dii usab makaabot sa mga lagyong lungsod, maong magkaalissod gayud aang kapulisan.
Samtang pipila ka abusadong membro sa PNP ganahan mogamit sa mga nindot nga sakyanan nga ilang nakonspiska sa ilang pagpanakop.-Cheche G. Diabordo/Newsline.ph
