DAKBAYAN SA TAGUM-— Misutoy og taas ang collection gikan sa quarry dinhi sa Davao del Norte tungod sa guot nga pagpatuman sa balaud ug sa partisipasyon sa mga nanag-iya ug quarry.
Sa rekord sa Provincial Treasurer’s Office, mikita og P13,381,783.88 milyones gikan enero hangtud Oktober karong tuig, kumpara sa susamang bulan niadtong 2018 nga mikita lang og P9.5-milyon, kini nagpakita nga mitaas ug 14 porsyento ang koleksyon.
Sumala ni Acting Provincial Treasurer Evelyn Espra, ang matinud-anon ug epektibong sistema sa koleksyon ilang gipatuman pinaagi sa pagkolekta sa insaktong buwis gikan sa balas, graba ug uban pang naturales rekorsos gikan sa quarry,
Sa miting tali sa tag-iya og quarry og sa taga probinsya, gidayeg ni Espra ang kooperasyon sa mga konsisyoner “Dako kaayo mo’g natampo sa panudlanan sa probinsya sa Davao del Norte,” matud niini.
Gipasabot usab sa tresurera nga ang barangay diin gikuha ang materyales adunay 40% nga bahin sa buhis samtang ang probinsya ug munisipyo o syudad tig 30% lang ug modako pa gyod kini sanglit aduna na’y Delivery Receipts (DR) alang sa dagko’g karga nga mga sakyanan.
Sa iyang pagpaamulong, gipasalamatan ni Gobernador Edwin Jubahib ang mga negosyante tungod sa ilang kooperasyon “Tungod kay ang iyong buhis nga gibayad, ibalik sa probinsya sa mga kumunidad sa probinsya pinaagi sa mga proyekto ug programa alang sa kalambuan sa tanan.”
Gitagaan ni Jubahib ug importansya angkontribusyon sa mga tag-iya og quarry kay matud niini, tanang kitaon sa gobierno-makatampo sa Build, Build, Build project ni President Rodrigo Duterte.
Gisaad i Jubahib nga iyang tagaan ug permit ang gustong molokat nini, apan, kinahanglan nga sila mosubay sa proseso arn hapsay ang ilang pagnegosyo.
Namatikdan ni Jubahib nga kalit mitaas ang ihap sa mga konsisyoner sa quarry gikan sa 70, miabpt na kini karon og 100.
Human pasalamati sa ilang kontribusyon, gipasabot sa gobenador nga ang tanang koleksyon makatabanag sa Build Build Build nga programa ni Presidente Duterte.
Aron usab mapanalipdan ang kinaiyahan, gihangyo ni Jubahib ang Mines and Geosciences Bureau (MGB) nga maghimo og inbentaryo sa kapasidad sa tanang quarry, aron mapaniguro ang dili molampos ang mga konsisyoner sa reglamento sa pagkuha ug mga balas ug bato sa kasapaan.-kuha sa taho ni Luisito Gorgonio
