DAKBAYAN SA DAVAO—Suerteng nasamdan lang ang instructor sa Furigay College niadtong Sabado sa Gabii, Pebrero 1, 2025, didto sa Lamitan City, Basilan Province.
Giila ang biktima nga si Lim Jhonus Flores, 24 anyos ug residente sa sitio Barroy, barangay Sengal.
Sumala ni Lt. Col. Elmer Solon, Lamitan City police chief, naglingkod lang si Lim sa iyang motorsiklo sa kilid sa karsada sa dihang gidoul siya sa duha ka suspeks ug gipusil.
Daling misibat ang mga suspeks, nga hangtud karon gigukod pa sa kapulisan.
Si Flores, Criminology Instructor sa Furigay College.
Kini ang ikaduha nga kaso sa pagpamusil sukad gipatuman sa Commission Elections ang gun ban, isip preparasyon sa Midterm Elections karon umaabot nga bulan sa Mayo.
