DAKBAYAN SA DABAW (Marso 16)— Nakaplagan sa operatiba sa Philippine Drug Enforcement Agency (PDEA) ang shabu ga kanditad ug P3.4 milyones sulod sa mga condom nga gibitbit sa usa ka lalaki didto sa N. Bacalso Ave. sa Barangay Sambag 1, Cebu City niadtong Biernes, Marso 15.
Sa taho ni PDEA 7 Acting Director Thessa Albaño-Tiuzen , iyang giila ang biktima nga si Jemma Layaguin, 29-anyos ug gituohang membro sa usa ka dakung sindikato sa druga nga naglihok sa Sugbu.
Nakuha sa mga condom nga gidala ni Layaguin ang 500 grams nga gikatuohang shabu samtang kini nagbarog sa usa ka convinient store.
Nakuha usab sa biktima ang usa (1) ka cellular phone ug binugkos nga kuarta.
Sumala ni Tiuzen, gibutang ang suspetsadong shabu sa upat ka condom ug gibutang sa plastic bag aron dili kini matiktikan nga illegal nga druga.
Si Layaguin, residente sa Barangay Bagacay sa Dumaguete City, ug bag-o pa kuno siyang misulod sa sindikato sa druga, apan siya gokonsidera nga high value target tungod sa kadaku sa balor sa druga nga nakuha kaniya.
Gisundan na kuno sa PDEA ang mga lihuk ni Layaguin sa sulod sa usa ka bulan, usahay iyang butangan ug paminta ang ibabaw sa iyang dala nga silopin aron dili mailhan nga druga.
Dalahun na unta ni Layaguin ang shabu sa Dumaguete, apan nag-insister ang PDEA agent nga himuon ang trasaksyon sa Dakbayan sa Cebu.
Apan, hugot nga gipanghimakak sa suspek ang alegasyon ug iyang gi akusahan ang PDEA nga maoy nagbutang ug shabu sa iyang bag,
Kasong paglapas sa Republic Act 9165, or the Comprehensive Drugs Act of 2002, ang gipasaka batiok kang Layaguin.-jap/NewsLine.ph
