DAKBAYAN SA DABAW – Aprubado na sa Regional Interagency Task Force ang Contact Tracing System Card sa North Cotabato.
Ang CTSC pagamiton sa mga residente sa North Cotabato aron mas mapadali ang pagahimuong contact tracing sa mga posibleng magpositibo sa Covid-19,” sumala sa tigpamaba sa Provincial Covid-19 nga si Philbert Malaluan ug kay EOC Manager.
Sumala kay Malaluan, kini usa ka pagpangandam sa syudad ug sa hingpit nga pagpatuman sa contact tracing, sukad niadtong dunay na tala nga kaso sa local transmission sa Covid-19 sa kasikbit nga baryo sa probinsya.
Apil niini ang hangyo sa DILG XII ang unified ug digital nga contact tracing sa mga LGU sa SOCCSKSARGEN Region nga gikinahanglan nga himoong prayoridad sa pagkakarun.
Gipasabot usab ni Malaluan nga ang tumong sa paggamit sa contact tracing, aron mas mapadali ang pag-ila ug pag-monitor ang mga naka-close contact sa pasyente nga nag positbito sa Covid-19, ug tungod niini, malikayan usab ang mga local transmission case.
Ang CTSC gamiton sa border checkpoints, Mall ug sa uban pang mga lugar.
Ang kinatibuk-ang gasto sa pagpalit og machine, kuhaon sa pondo sa bayanihan to heal as one grant ug sa pakigtinabangay sa Public Private partnership
Giklaro usab sa Zoom meeting ang pagdeklara sa Regional lockdown nga nagpamatuod nga mas hingpit ang pagpatuman sa sumbanan alang sa mga mobyahe paingon sa Region 12.–Newsline.ph
