CARAGA, Davao Oriental (Pebrero 28) — Pasidunggan ug tagaan ug ganti ni Caraga Mayor Alicia Mori ang mangingisda nga nakapalgan sa 40 ka bricks nga cocaine, isip pagdayeg sa iyang kaboutan ug kamatinud-anon.
Kaganina, gipatawag ni Mori ang membro sa Municipal Drug Abuse Council (MDAC) aron hisgutan ang nahitabong pagka diskobre sa drugas, ug unsaon pagpahugot sa pagbantay sa kadagatan aron dili na kini mamahimong labayanan sa illegal nga mga butang.
Matud ni Mori, iyang tagaan ug ganti ug pasidungog ang mangingisda tungod kay mitabang kini sa kampanya sa goberno kontra druga ug nahimo kining abtik ug matinud-anon.
Mahinumduman nga nakakita ang usa ka mangingsida nga taga Caraga ug 40 ka bricks nga gikatuohang cocaine sa kadagaratan sa Santiago, niadtong Doming, Pebrero 24, ug gilayon niya kining gireport sa kapulisan.
Matud ni Mori, ang iyang munisipyo daplin sa baybay ug nag atubang kini sa Pacific Ocean, ug posible kunong dibanwas sa unos sa tubig ang drugas sa ilang baybayon.-Jiann A. Padillo/NewsLine.ph
