DAKBAYAN SA DABAW (Enero 31)— Namatay ang 12 anyos nga si Hadia Pantaleon Eronico, player sa volleyball gikan sa Davao Oriental samtang nagsalmot sa Davao Regional Athletic Association (DAVRAA), dinhi sa University of the Philippines Mindanao Campus, Barangay Mintal ning dakbayan.
Sumala ni Davao Oriental Coach Joezel Duro, mga alas 7 sa buntag kagahapon,  luya si Eronico, nagpabiling naghigda sa kama ug ga ubo nga dunay sagol nga dugo. Hinungdan ila kining gidala sa infirmary sa Sports Center.
Alas 8 sa buntag, nagdesisyon ang mga health staff nga dalahon na sa Southern Philippines Medical Center ang bata kuyog ang Delegation Nurse nga si Stephen Castres.
Apan, alas 7 kagabie gikabsan kini sa iyang kinabuhi tungod sa Failure of Multifunction organs o severe dengue.
Sumala ni Dr. Richard MaTa, Consultant for dengue  sa World Health Organization (WHO) og sa Department of Health og advocate against dengue, modevelop ang dengue virus kung mosulod sa lawas sa tawo gikan upat hangtud napulo sa adlaw (4-10).
Kung adunay kalintura, ipa-check gilayon aron ang pagkaylap sa virus, apan kung dili gani kini dayon madiskitaan, mamahimong moresulta kini sa kamatayon.-Reeya Nuñez/NewsLine.ph
