ZAMBOANGA CITY — Nasibatan og dinakpan sa illegal nga droga ang mga pulis sa Zamboanga City Police Station 5 niadtong Nobiembre 7, 2022
Ang dinakpan nakasibat sulod mismo sa buhatan sa kapulisan sa dihang gi-asikaso sa mga pulis ang papeles sa suspek aron dalhon sa crime laboratory.
Gipangita karon sa kapulisan sa Zamboanga City ang suspetsado nga nadakpan tungod sa paghupot og illegal nga druga.
Giila ni PMaj Alvin Cabayacruz, hepe sa Divisoria Station-5, ang dinakpan nga si Wilson Basilio alyas “poks” 32 anyos.
Nadakpan si Basilio sa gilusad nga drug buy bust operation apan sa dihang anaa na kini sa ilang kustodiya, misibat kini.
Sumala ni PMaj Cabayacruz “yong subject kasi natin si a piniprepare ng investigator yong mga papeles para dalhin ito sa crime lab atsaka para i medical don po ito nakatakas po pero dito pa po sa station po”
Nakaalerto karon ang pwersa sa police station 5 aron pangitaon ang suspek ug aduna na silay koordinasyon sa mga barangay officials ug ubang police stations.
“yong tropa namin nasa labas pa saka aside pa don sa mga barangay officials namin dito tumutulong naman …naglagay din kami ng mga alpha namin nasa area atleast para ma locate talaga namin yong ano hopefully ma ano ang subject namin na nakatakas,” dugang ni Cabayacruz.
Tungod sa panghitabo, manubag ang kapulisan sa nahisgutang istasyon.-Lovely Grace Alconaba
