DAKBAYAN SA DAVAO — Naglaum ang Department of Health (DOH) nga moabot sa Pilipinas Hunyo ang dugang suplay sa bakuna batok sa pertussis nga ilang gi order, sumala ni Health Undersecretary ug tigpamaba nga si Dr. Eric Tayag.
Una nang gimanduan ni Presidente Marcos, si Secretary Health Teorodo Herbosa ug usa ka grupo sa mga opisyal ug kawani sa DOH anaa sa field nga makig-alayon sa mga lokal nga Public Health Emergency Operations Centers (PHEOCs) nga gihimo sa gobierno ang tanan aron marespondehan ang pagkaylap sa sakit nga pertussis ug manghatag og inpormasyon nga malikayan ang sakit.
Ang mga sintomas sa pertussis langkuban sa kalintura, ubo ug sa pipila ka mga kaso hutoy, sore eyes ug, luha sa mata.
“Ang nasa inventory namin ay nakapagbigay ang DOH sa Quezon City ng 1,500 doses at ito ay magagamit nila. At habang hihinintay iyong bagong supply na baka sa June pa dumating ay mayroon tayong mga antibiotics para kung hindi maiwasan ang pagkahawa, may maibibigay na gamot,” matod ni Tayag.
Si Tayag miluat sa maong mga pamahayag sa usa ka news forum sa Quezon City niadtong Sabado diin siya gipangutana kon pila ka dosis, sa porsiyento, sa bakuna batok sa pertussis ang anaa sa Pilipinas, ug kon kanus-a kini gipaabot nga moabot sa nasod.
Gipasabot niya nga ang DOH naghimo karon og dali nga pagpalit sa 5-in-1 nga mga bakuna alang sa pertussis, o naila nga hutoy human sa pipila ka mga kaso na-report na sa Quezon City – nga nagdeklarar na og outbreak – Calabarzon ug sa Visayas region.
Sa higayon nga mapalit, si Tayag niingon nga ila dayon nga ipang-apod-apod ang mga bakuna sa mga apektadong lugar sa nasud.
