DAVAO CITY — Gibarugan karon sa kanhi boxing four-division champion nga si Nonito Donaire nga negatibo siya sa Covid-19.
Kaganinang buntag alas 9:27, mao kini ang pahayag ni Donaire sa iyang official twitter account: “FLASH update: Jst received by 2nd Molecular NAAT test result: NEGATIVE. 2 be clear: Baker St Health refused me a retest for my “positive” test. I went out, paid and took 2 Molecular NAAT tests 24 hours apart and a rapid antigen:. ALL results NEGATIVE. 3 tests 3 NEGATIVE results.”
Sa iyang twit gisaysay ni Donaire ““We asked for a confirmatory test to make sure I was positive. They said NO. So I had to pay to get one done.”
Unod sa iyang twitter post ang mosunod:
Una niini, mipagawas og taho ang boxingscene.com nga nagpositibo si Donaire sa Covid-19 hinungdan nga i-atras ang iyang away batok kang Emmanuel Rodriguez nga gitakda karong Disyembre 19.
Sa report nga gisulat ni Keith Idec niadtong Disyembre 9, gitaho niini nga dili na kuno madayon ang away ni Donaire.
Kaganina, gisaysay ni Donaire nga mihangyo sila sa Baker St Health nga magpa-retest aron makumpirma ang unang result nga nagpakita nga nagpositibo siya, apan wala kuno sila gitugtan, hinungdan nga nangita sila og laing test center ug didto migawas nga negatibo siya sa Covid-19 virus.
Apan matud ni Donaire, madayon ang iyang away.-Newsline
