DAKBAYAN SA DABAW (Hulyo 12) — Dose ka mangugubat sa bandidong Bangsamoro Islamic Freedom Fighters (BIFF) ang namatay sa duha ka adlawng binakbakay didto sa Shariff Saydona, Maguindanao.
Sumala pa ni Capt. Arvin John Encinas, tigpamaba sa 6th Infantry Division (6ID) sa Armed Forces of the Philippines, dose ka patyng lawas ang ilang nakaplagan human sa duha ka adlawng ground ug air asult sa Barangay Malingao, sa lungsod sa Shariff Saydona.
Ang mga patayng lawas nakit-an sa Sitio Pandan, Sitio Mungkas ug Sitio Pandan, sa Barangay Malingao, kung asa didto magtago ang singkwenta ka membro sa bandidong BIFF.
Giila ni Encinas ang mga nangamatay sa BIFF, nga sila si Baser Alon, Nurdin Kalun, Kemi Jainudin, Wahed Anuwar, Bensar Ali, Arapat Gemal, Bedo Gamadil, Wari Brahim, Bakar Seral, Tato Menta, ug aduna pay duhang wala mailhi.
Aduna pay siyam ka membro sa BIFF ang samaran atol sa bakbakan.
“Ang among tropa nakabintaha, gani nagsige na kami ug abante sa SPMX box, ang puesto sa mga bandidong BIFF ,” saysay ni Brig. Gen. Cirilito E. Sobejana, commander sa 6ID.
Bout pasabot sa SPMS box, mao ang lugar sa Salibo, Pagatin (Datu Saudi), Mamasapano, ug Shariff Aguak, kung asa nakapuesto ang BIFF.
“Alerto gud ang among tropa pirmi, maskin daghan kaayo silag gibilin nga improvised nga bomba sa kadalanan, pero gipang-deactivate tanan sa among bomb expert,” Sumala pa ni Encinas.
Sa ulahing tala, mokabat na sa 35 ka bandidong BIFF ang namatay sukad Hulyo 1, sumala pa ni Escanis.-Harold V. Pontongan/NewsLine.ph
