DAVAO CITY – Gidala dayon sa miresponding emergency medical technician sa 911 ngadto sa Southern Philippines Medical Center ang driver sa usa ka sidecar nga naay tatak nga bote bakal kay nagkadugo human gipusil sa wala mailhing armado sa Purok 6B, Barangay Bago Oshiro, Davao City.
Subay sa report sa kapulisan sa Tugbok Police Station 9, natigayon ang pagpamusil bandang alas 8:00 kaganihang buntag, Nobyembre 28 diin ang ulo mismo sa biktimang si alyas “Lito”, 46 anyos, taga Purok 5B, Bago Oshiro ang nagkadugo.
Ginasubay pa sa mga pulis ang motibo sa pagpamusil hilabi na nga adunay usa ka residente sa lugar nga trabahante sa gobyerno ang nakadungog og buto sa pusil duol sa iyang gipuy-an nga balay.
Paul Trajera Palacio, a veteran news anchor got his Mass Communication Curriculum from University of Mindanao-Davao Campus.
He is the current News Anchor of Newsline Philippines.
