DAKBAYAN SA OZAMIZ (Agosto 29) —Napatay sa sakop sa Ozamiz pulis ang suspetsadong tigpayuhot ug illegal nga druga human kini misukol atol sa buy-bust operation niadtong Lunes, petsa 27 ning bulan sa Agosto.
Sa buy bust operation nga gipangunahan ni Police senior inspector Allan Payla, deputy chief of police sa Ozamiz City, napusil patay si Ricardo Hipolao, alyas Baga, 57, minyo ug nagpuyo sa Purok, Barangay Dona Consuelo, Ozamiz City.
Sumala sa PNP, alas dose y media niadtong lunes, gipahigayon ang usa ka buy bust operation duol mismo sa balay sa suspek. Apan nakamatikod ang suspetsado nga pulis ang iyang ka-transaksiyon hinungdan nga midagan kini padulong sa labong nga bakhawan sa daplin sa dagat.
Nahitabo ang ang ginukdanay ug Samtang naggukod ang mga pulis, gipabuthan sila sa suspek gamit ang kalibre .45 nga pistola. Hinungdan nga nahitabo ang engkuentro.
Human ang halos 30 minutos nga ginukdanay, nakita na lamang ang lawas sa suspek nga nagbuy-od sa sa may katunggan nga adunay siyam ka igo sa bala sa iyang dughan, tiyan ug tiil.
Narecover gikan sa bulsa sa suspek ang 14 ka putos sa illegal nga droga nga gituohang shabu. Nakuha usab ang usa ka kalibre .45 nga pistol nga adunay tulo ka mga bala.
Gidala sa labing duol nga tambalanan ang suspek apan gideklara kini sa attending physician nga dead on arrival (DOA).
Sibo sa pahayag sa PNP wala malakip sa listahan sa mga drug surenderees ang suspek.
Samtang wala pay opisyal nga pahayag ang mga tagtungod sa napatay nga suspek.
Ang maong namatay nga suspek maoy ikaduha na nga namatay gumikan sa giingong misukol sa PNP sulod niining bulana.
Kahinumduman nga niadtong, Agosto 21, 2018 patay usab ang usa ka Dennis Garcia, 39, minyo, walay trabaho ug nagpuyo sa Purok 2, Barangay Sinuza, Ozamiz City sa usa ka buy bust operation human mga misukol usab sa kapulisan. -Neptalie Batolenio/NewsLine.ph
