DAKBAYAN SA DABAW (Enero 27) — Usa ka iladong tigpayuhot ug ilegal nga druga sa Maa City Jail, nasikop sa buy-bust kagahapon sa kaadlawon, atubangan sa prisohan.
Sikop sa membro sa operatiba sa Special Task Group nga gilangkuban sa City Drug Enforcement Unit (DEU) ubos sa Police Station 9 Tugbok District, si Andrie Benedict Abad Laxa, 35, ulitawo, og molupyo sa Block 7, Lot 16,, Phase II, Cecilia Height, Cabantian, Davao City og iyang kauban nga si John Paul Gordo Castillo, 23, ulitao og tranahador sa Arrow Go Logistic nga molupyo sa Block 23, Lot 24, Deca Homes, Cabantian, ning dakbayan.
Nakapalit ang mga operatiba ug usa ka medium square size nga paketa sa silyadong sulopin nga gikatouhang shabu.
Nakuha sa posisyon ni Laxa ang duha ka paketeng shabu, mga gamit sa pagsuyop niini, mobile phone, ug ilang toyota avanza nga dunay plaka numero LGF 795.
Samtang nakuhaan usab si Castillo ug usa ka paketeng shabu, gamit sa pag-suyop niini, huawie cellular phone, ug tanan mokabat sa P180,000.
Kasong paglapas sa Dangerous Drugs Act ang atubangon sa duruha.-NewsLine.ph
