Dugang body camera alang sa kapulisan

DAKBAYAN SA DABAW, PILIPINAS — Kung itugyan pagbalik ni Presidente Rodrigo Duterte ang kampanya kontra sa ilegal nga druga sa sa kapulisan, mopalit kuno sila ug dugangn body camera, matud pa  ni  Philippine  National Police (PNP)  Chief, Director General Ronald dela Rosa.

“Amo gyud paningkamutan nga makapalit ug dungag body camera alang sa musalmot sa mga operasyon sa away kontra druga aron makit-an sa publiko unsa among ginahimo atol sa among operasyon,” matud pa ni dela Rosa.

Gibalhin ang kamanduan sa giera kontra druga sa Philippine Drug Enforcement Agency (PDEA) human sa kamatayon sa tulo ka mga batan-on nga matud pa hinimuan sa membro kapulisan.

Human sa kontrobersyal ang kamatayon sa mga batan-on, gimando gilayon ni Duterte ang ang PDEA na ug dili ang PNP ang magdumala sa iyang giera kontra druga.

Sumala pa ni dela Rosa, ang ilang sobrang paningkamot ug ang pagkapakyas nila sa pagpakgang sa mga badlungon sa kapulisan nakaapekto sa ilang kampanya kontra druga.

“Ang among sayop, kay murag sobra mi ka agrisibo sa among operasyon kontra druga ug wala pa namu nalimpyohan ang kapulisan sa mga dautu ug yabag nga membero niini, mao tong ilang gisabayan ang among operasyon, didto mi nadaut,” Saysay ni dela Rosa.

Apan, matud pa ni dela Rosa ilang gidawat ang ilang kahuyangon “Ug among dawaton nga wala pa gyud naka pangllimpyo  sa mga yabag nga pulis nga nalambigit sad sa ilegal nga drugas. Mao no nasakyan nila among operasyon, naglihuk sab sila kuyog ang  mga durugista ug mga druglords” dugang saysay ni dela Rosa.

Mahinumduman nga gibakbakan sa senado si dela Rosa tungod sa sunod sunod nga palpak sa kapulisan.

Gani pipila ka higayon nga siya mihilak atubangan sa mga senador.

Apan, Matud pa ni dela Rosa gihimo niya ang tanan aron masulbad ang problema sa nasud  sa ilegal nga druga.-Harold V. Pontongan/Newsline.ph