DAKBAYAN SA DAVAO-— Dunay midaug sa P222,993,453.20 nga Grand Lotto 6/55 nga jackpot atol sa draw niadtong Sabado sa gabii.
Sumala sa Philippine Charity Sweepstakes Office (PCSO) usa ra ang nakadaug sa premyo.
Ang winning combination alang sa Grand Lotto jackpot mao ang 17-26-30-39-14-07.
Samtang walay nakadaog sa Lotto 6/42 draw niadtong Sabado nga adunay jackpot nga P6,656,665.
Ang migawas sa resulta sa 6/42 dunay kombinasyon nga 26-42-40-33-13-39.
Ang Philippine Charity Sweepstakes Office nipahinumdom sa mga mananaug sa lotto jackpot nga i-claim ang ilang premyo sa PCSO Main Office sa Mandaluyong City ug ipresentar ang ilang winning ticket uban ang duha ka valid ID.
