DAKBAYAN SA DAVAO –— Miabot na sa Nanning Wuxu Airport sa Guangxi Zhuang Autonomous Region sa China kaganina ang unang 18-toneladang durian gikan sa Dakbayan sa Davao.
Sa Facebook post sa China Embassy sa Davao gikan sa report sa Chinadaily.com.cn, gibutyag niini nga ang unang gipadala nga durian gilangkuban sa premium variety sa Puyat, nga matud niini Sweet and Creamy.
Sumala sa General Administration of Customs of China, ang Pilipinas ang ikatulong nasud nga nagpadala og durian sa China.
Una nang nagpadala og durian ang nasud Thailand ug Vietnam.
Ang Pilipinas ug CHina dunay bilateral cooperation ug ang Pilipinas mao ang pinakadaku’g gipadala nga suplay sa saging ug pinya sa China, ug kini ang ikatulong nasud nga ginabaligyaan sa Pilipinas sa iyang produktong agrikultura.
