DAKBAYAN SA DABAW —– MI-ANGKON si Presidente Rodrigo Duterte nga iyang gihangyo si Interior and Local Government Secretary Eduardo Año nga tabangan ug bantay ang Philippine National Police (PNP) samtang wala pa niya gituboy ang bag-ong hepe.
Gi-admitar ni Duterte ang nagpabiling mga problemado sa mga kapulisan sa Manila kay daghan pa kuno siya ug mga nadungog nga mga isyu batok sa kapulisan.
Mi-angkon si Duterte nga naglisod siya kong kinsay itudlo isip PNP chief.
Sa kasamtangan, naglingkod isip OIC PNP Chief si Lt. Gen. Archie Gamboa.
“Sa mga probinsiya, mahusay ang pulis (In the province, police are doing good). But in Manila…that’s why I did not appoint a PNP [chief.]. Sabi ko kay Gen. Año na hawakan niya (I told Gen. Año to supervise it first),” saysay ni Duterte sa iyang mensahe atol sa iyang pagbisita sa M’lang North Cotabato,
Iya kunong gipamandu-an si Año tabangan ug bantay ang PNP tungod kay daghan pa kuno kaayo ug mga kaubang ang mga pulis labi na sa Manila.
Kini taliwala sa iyang bahad sa mga politiko ug mga pulis nga dunay kalambigitan sa ilegal nga druga.
“Kung mosulod ka sa druga, patyon ta jud ka,; Bahad sa Presidente,
Pagka pumasok kayo sa droga (If you enter the illegal drug trade), there is no other way to deal with you except to kill you,” Duterte said.
