DAKDAYAN SA DABAW –— Usa ka employado sa lokal City Hall naghikog samtang gi-hearing sa opisina sa ilang barangay kapitan mga 3:00 kagahapon sa hapon.
Sa report sa Marilog Pulis, giila ang biktima nga si Jake A. Pandian, auxiliay service worker sa lokal nga panggamhanan ug residente sa Barangay Malamba, Marilog District.
Sa inisyal nga imbistigasyon sa Marilog pulis, gipatawag sa barangay si Pandian tungod sa reklamo sa usa ka maestro nga giiilang si Junrick T. Balcita, lumolupyo sa Cabisig, Barangay Calinan tungod sa wala pa niini mabayri nga utang.
Apan, samtang gihimo ang hearing ni Pandian ug Balcita, nananghid ang biktima nga mangihi sa opisina ni Ernisto Lagno ug wala na kini migawas.
Sa dihang gisuta ang kasilyas ni Lagno, nakita nalang nga nagbitay ug wala nay kinabuhi si Pandian.
Samtang gi-utingkay sa mga imbistigador ang mga papeles ni Pandian, ilang nakit-an ang wala matiwas nga usa ka suicide note. Newsline.ph
