DAKBAYAN SA DABAW (Hunyo 15) — Posas ang giabot sa usa ka empleyado sa Governor William “Bill” Villegas Memorial Hospital sa Guinhukngan City, Negros Oriental, human kini nasakpang nagraket ug paninda ug shabu, niadtong Huebes sa gabii, Hunyo 13.
Gi-aresto gilayon si Dominador Seguera Antique Sr. human iya gibaligyaan ug shabu ang usa ka ‘under cover agent’ nga pulis.
Sumala sa taho sa Negros Oriental Provincial Police Office (NOPPO) nga gimantala sa PNA, yanong gibaligyaan ni Antique ang pulis mga 11:30 sa gabii, didto sa Sitio Tuway, Barangay P. Zamora sa Guihulngan City.
Nakuhaan ug upat ka pakete sa suspetsadong shabu si Antique. Siya usab nalakip sa listahan sa kapulisan nga nalambigit sa pagpaninda ug illegal nga druga sa maong lugar.
Nag-atubang karon ug kaso si Antique sa paglapas sa Republic Act 9165 kon Comprehensive Dangerous Drugs Act.-jap/NewsLine.ph
