DAKBAYAN SA DABAW (Enero 10) — Gipalagpot ang usa ka empleyado sa Land Transportation Franchising and Regulatory Board (LTFRB) human kini mi-angkon nga midawat ug suborno sa usa ka aplikante nga mokuha ug pangkesa sa nahisgutang ahensya.
Sa usa ka sulat pamahayag, giila ni LTFRB chairperson Martin Delgra III ang empleyado nga si Richard Vallecer, nakadestino sa “Message Center” sa ilang buhatan,
Sumala sa deklarasyon ni Delgra, midawat si Vallecer ug kuarta kantidad P45,000 sa usa ka aplikante ug prangkesa aron kini ma-aprobahan.
Apan, ang aplikante sa prangkesa, nakigkita kang delgra ug gidala ang duha ka “deposit slip” sa bangko, nga nagpamatuod nga siya mihulog ug kuarta kang Vallecer sa kantidad nga P45,000 .
Gi-admitar ni Vallecer nga siya midawat ug kuarta kantidad nga PHP15,000, PHP20,000 og dungag PHP25,000 aron iyang lihukon ang aplikasyon ug aron makigkita kang Delgra, og kang LTFRB Executive Director Samuel Jardin og LTFRB sa Administrative Officer nga si Jocelyn Reyes, ang aplikante.
Sumala ni Delgra , ang pag-admitar ni Vallecer nga siya midawat ug kuarta dakung kalapasan sa kampanya sa administrasyong Duterte batok sa korapsyon.
Midugang si Delgra nga si Vallecer nakalapas usab sa Section 3 of Republic Act 3019 (Anti-Graft and Corrupt Practices Act) and Section 7 (D) sa Republika sa Act 6713 (Code of Conduct and Ethical Standards for Public Officials and Employees).”-Jiann A. padillo/NewsLine.ph
