DAKBAYAN SA DAVAO-— Nadakpan ang usa ka estudyante nga taga Maguindanao del Norte human nakuhaan og balor P1-milyon nga druga sa usa ka buy-bust operation niadtong Biernes sa gabii, Marso 8, bandang alas 7:40 didto sa Purok 13, Escuala Village, barangay Lagao, sa General Santos City.
Sumala ni Brig. Gen. Jinili Macaraeg, police director sa Soccsksargen Region, nakadawat sila og tawag nga dunay dalang shabu ang usa ka estudyante.
Sa dihang gisuta kini sa operatiba sa GenSan Police Station 6, kuyog ang City Drug Enforcement Unit daling naglusad anti-illegal drug entrapment operation nga miresulta sa pagkaaresto sa mga suspeks nga nakuhaan og 155 ka gramo sa gituhuang “shabu” ug uban pang gamit.
Gila sa kapulisan ang mga suspetsado nga sila si “Emran,” 20-anyos, estudyante nga taga Datu Odin Sinsuta ug ang wala nganli nga tricycle driver.
Anaa sa karon sa kustodiya sa Police Station 6 ang mga suspeks samtang gi-andam ang kaso batok sa duha ka suspetsado.
![Pinterest](https://pinterest.com/pin/create/button/?url=https://newsline.ph/estudyante-nadakpan-nga-dunay-dalang-p1-milyon-nga-druga/&media=https://newsline.ph/wp-content/uploads/2024/03/mugshot.jpg&description=Gila sa kapulisan ang mga suspetsado nga sila si "Emran," 20-anyos, estudyante ug ang wala nganli nga tricycle driver.){kind=link}