DAKBAYAN SA DABAW (Pebrero 16)-— Patay ang estudyante sa University of the Philippines Los Baños (UPLB), nga miapil kuno sa grupo sa mga New People’s Army, namatay sa engkuentro niadtong Huebes sa buntag, Febrero 14.
Sumala sa taho sa Philippine News Agency, nga gibasi sa saysay ni Army 2nd Infantry Division information officer Capt. Patrick Jay Retumban, ug miila sa namatayng istudyante nga si John Carlo Capisitrano Alberto, nagkuha sa kursong veterinary medicine.
Sumala sa mga kauban ni Alberto, misalmot kuno siya sa NPA niadtong Enero, sa kasamtangang tuig.
Gidugang sa taho, nga namatay si Alberto atol sa engkuentro didto sa Sitio Pinamintian, Barangay San Buenaventura, Luisiana, Laguna mga alas 9:00 ang takna sa buntag niadtong Huebes.
Gawas kang Alberto, samaran usab kuno ang duha pa ka mga babaye atol sa engkuentro. Nakuha sa mga rebelde ang mga cellular phones ug mga paboto.-Winkle Mae Tabuclao/NewsLine.ph
