FPRRD mobarog isip abogado ni VP Sara sa iyang giatubang nga  impeachment

Date:

Share post:

Mobarog si FPRRD isip abogado ni VP Sara sa iyang impeachmeant case. Ang hulagway screen shot sa Pahalipay sa Taal niadtong Disyembre 25 sa udto.

DAKBAYAN SA DAVAO — Mobarog si kanhi Presidente Rodrigo Duterte isip usa sa mga bogado sa iyang anak nga si  Bise Presidente Sara Duterte sa mga gipasakang impeachment batok sa iyang anak.

Sa pakighinabi sa media niadtong  Miyerkules, gisaysay sa Bise Presidente  nga ang iyang amahan, si kanhi Presidente Rodrigo Duterte, nagboluntaryo nga mahimong usa sa iyang mga abogado sa mga kasong gipasaka batok kaniya.

Ang batan-ong Duterte nag-atubang og tulo ka impeachment complaints sa pagkakaron, ang pinakaulahi niini gisang-at sa miaging semana sa daghang mga Katolikong pari, relihiyosong grupo, ug mga abogado.

Sumala ni VP Sara, gisaysay kaniya sa iyang amahan ang iyang pagbarog isip abogado niadtong nanihapon  sila sa Bisperas sa Pasko.

Nabalaka na matud pa si FPRRD,  ug nangutana bahin sa kahimtang sa iyang mga problema sa impeachment.

Apan, gibalibaran sa Bise Presidente ang gihanyag  nga suportang pinansyal.

“Sabi niya na, since hindi ko tatanggapin yung pera, mag-lawyer siya para sa akin. So sinabi niya, he will be a collaborating counsel for all cases,” saysay ni VP.

“Usa siya sa mga abogado sa tanan nga mga kaso, ug nag-andam siya sa iyang mga dokumento karon sa IBP,” dugang ni VP Sara.

Matod sa batan-ong Duterte nga nagpaabot sila sa pormal nga mga artikulo sa impeachment gikan sa House of Representatives.

“Gumawa kami sa mga imbentaryo sa mga kaso base sa mga nabasa namo sa media base sa mga interbyu sa mga ahensya sa gobyerno, House of Representatives, Department of Justice, NBI, ug PNP,” dugang niini.

Matod niya nga masaligon siya kay nasayod kini nga wala siyay makalapas nga balaod.

“Pero siyempre sa makita nato karon, murag wala namay rule of law. So, pag naa na ang kaso, amo lang gihapong atubangon,” saysay sa batan-ong Duterte.

Ang duha ka Duterte nisalmot sa “Pahalipay sa Pasko,” ilang tradisyonal nga tinuig nga gift-giving event, nga gipahigayon sa ilang panimalay sa Bangkal, Davao City, niadtong Miyerkules sa hapon.

Editha Z. Caduaya
Editha Z. Caduayahttps://newsline.ph
Edith Z Caduaya studied Bachelor of Science in Development Communication at the University of Southern Mindanao. The chairperson of Mindanao Independent Press Council (MIPC) Inc.
RIZAL MEMORIAL COLLEGEspot_img

Related articles

Air Niugini Boeing 767 Makes Emergency Landing In Davao; All 146 On Board Safe

DAVAO CITY (November 21) — An international passenger flight bound for Papua New Guinea was forced to...

A Better Chance For Every Child: Marcos Signs Law Expanding Education Vouchers For Poor Students

DAVAO CITY (November 20) -For a child from a poor family, the dream of attending a good school...

PJ Simon: The Scoring Apostle Who Never Forgot Where He Came From

DAVAO CITY — Before he became the “Scoring Apostle,” before the championships, the All-Star selections, and the roar...

Shortened FPIC process puts Lumad ancestral lands at risk, rights groups warn

Indigenous leaders, Church groups question NCIP rules allowing faster project approvals, warning that weakened safeguards could expose communities...