MAKILALA, NORTH COTABATO –— Patay gilayon ang usa ka fruit vendor sa barangay poblacion ning lungsod sa dihang gidasmagan sa riding in tandem niadtong Sabado alas 6:30 sa gabii.
Giila ni Makilala PNP Chief Police Major Arniel Melocotones ang biktima nga si Democracy Trinidad Doctolero, 44 anyos taga Sitio Corella, Barangay Poblacion, Makilala.
Sa inisyal nga imbistigasyon sa kapulisan, ilang nahibaw-an nga naghulat ang biktima sa iyang pinalit nga lechon manok didto sa Garcia Street, sa poblacion, sa ihang gidoul sa suspek ug gilayong gidul-it ang iyang pistula sa ulo ni Doctolero, hinungdan sa iyang hinanaling kamatayon.
Sumala sa mga saksi, daling migagiw ang suspek sakay sa motor nga walay plaka nga nagpaabot kaniya.
Padayon pang gi-imbistigahan sa kapulisan ang motibo sa pagpatay ug pag-ila sa mga suspetsado.-Newsline.ph
