DAKBAYAN SA DABAW, Mindanao — Mohatag ug ganti ang gobernador sa Maguindanao sa mga tawo nga makahatag ug inpormasyon aron mailhan ang naglabay ug bomba didto sa Upi kaniadtong Biernes sa gabii nga nakaangol sa lima ka tawo.
Si gobernador Ismael Mangundadatu nagbutyag nga andam sya mohatag ug pahalipay aron madakpan ang nanglabay sa bomba.
Mahinumduman nga duha ka bomba ang mibosikad sa sitio sa Borongoton, Upi, samtang naglalis ang mga nagdula ug baskitbol banda ala 7:45, nga mi-angol sa upat ka tawo.
Apan, samtang nagkaguliyang pa ang mga tawo, usa na usab ka bomba ang mibuto daplin sa karsada nga miigo kang PO1 Marjun Lahayhay, nga adtong tungura nagmaniho sa sakyanan paingon sa baskitbolan.
Naghangyo si Mangundadatu sa katawhan sa Upi nga dili magpataka ug tudlo kung kinsa ang responsable sa pagpamomba tungod kay naga imbistiga oa ang kapulisan.
“Kalma lang sa ta, kay nag imbistiga pa ang atong kapulisan ug kasundaluahan sa panghitabo,” matud pa ni Mangundadatu.-Armand M. Alvarez/Newsline.ph
