LUNGSOD SA MAKILALA— BIsan pa man sa kapait sa ilang kahimtang sa evacuation center, nakasinati ug kalipay ang mga biktima sa linog sa dihang ilang nakita ang aktres nga si Angel Locsin sa ilang nataran ug nanghatag og gasa.
Sa Facebook post ni Flora Mae Montes Basiliote, makita ang dili masukod nga kalipay sa dagway sa mga residente tungod kay nakig-uban sa ilang kalisud si Locsin.
Kadaghanan sa mga post sa facebook sa taga Barangay Batasan, nagapakita sa ilang kalipay ug mura ug nahuwasan sa ilang kalisod-maski man lang sa sulod sa pipila ka minuto.
Nang apud-apod ang aktres ug relief goods ug mga pagkaon sa biktima sa linog, nga gikalipay sa katawhan,
Una niini, nakit-an si Locsin sa NCCC Mall sa Dabaw, nga namalit ug mga relief goods-ug pipila ka oras ang milabay, nakit-an siya didto sa buhatan sa Philippine Natonal Red Cross sa Digos City.
