DAKBAYAN SA DABAW — Gihimo sa gobyerno ang tanan angay’ng himuon ug gikinahanglan aron nga batukan ang sakit nga Coronavirus Disease (Covid-19), kini ang gibutyag ni President Rodrigo Duterte isip tubag sa iyang mga kritiko nga nanaway sa mga pamaagi sa pagresponde sa maong health pandemic.
Sa mga nanaway, matud ni Duterte “Ilang gibaliwala ang paningkamot sa gobierno, ilang gitagaan ug hulagway nga walay gihimo ang gobierno, nga palpak ang mga lakang, gihimo namu tanang mahimo, among gitubag ang mga medisinang nga gikinahanglan, gisigehan gihapon mi og tira”.
Sumala sa President dili na angay padakuon ang problema sa pandemic pinaagi sa paghimo og estorya nga walay gihimo ang gobyerno.Â
Gi-depensahan sab sa Presidente si Health Secretary Francisco Duque III, kay matud niya halos na daw dili makakaon ug dili makatulog si Duque tungod sa kadaghan sa iyang ginahimo.
Samtang gapaabot ang gobyerno sa vaccine sunod tuig, gina patuman sab nila ang mga lakang arun nga maibsan ang ihap sa mga mataptan sa maong virus.
Dugang sa Presidente nga samtang wa pa ang vaccine mao palang usa ang mahimo sa gobyerno.
Hinuon gipasalig sa Presidente nga mangita’g pondo ang gobyerno aron nga makapalit sa maong mga vaccine para sa mass immunization.
“Sumunod lang muna kayo total malapit na. Pag nandiyan na yong vaccine, mag utang ako. Itangin ko lung wala tayong pera, and as I said, we follow thw program laid down by the IATF na ‘yung mgabtao na mauna,” dugang sa Presidente. Neewsline.ph
