Ginama alang sa Dabaw – HirNa taxi APP

DAKDAYAN sa DABAW, Mindanao — HirNa Taxi Application gilusad na sa dakbayan.

Aduna nay kumpetinsya ang Uber ug Grab dinhi. Kini human pormal nga gilusad ang usa ka Taxi Hailing Application dinhi.

Sukwahi sa ubang taxi application, ang HirNa App libre, walay bayaran nga booking fee ang mga pasahero.

Ang AVIS Philippines ang nagpaluyo sa HirNa Taxi App ug kini pagagamiton sa mga driver sa taxi dinhi sa dakbayan.

Sumala pa ni Francisco Mauricio, presidente sa AVIS Philippines gi-istudyuhan ug gigama ang maong app aron mas mapanindot ang serbisyo sa taxi cabs dinhi sa siyudad.

Ang pletehan sa HirNa taxi susama gihapon sa ubang taxi services nga magsubay sa patak sa metrohan.

Malamuson nga namugna ang HirNa App sa pakig alayon sa Globe Telecom.

Gani, Mapasalamaton si Atty. Roger Largo, ang presidente sa Metro Davao Taxi Operators Association (MDTOA), kay matud pa niya usa ka dakong tabang ang app na mas mapanindot ang kalidad serbisyo sa taxi ngadto sa katawhan.

Gigamit na man gani sa Maro taxi, ang maong application.

Si Largo ang tag-iya sa Maro Taxi nga adunay sobra gatos ka mga taxicabs.

Sumala pa ni Largo, louy ang mga driver nga mag-sige nalang ug tuyok tuyok sa syudad aron mangita ug pasahero.

“Sa HirNa, katong naay mga Cellphones puede na motaag ug taxi,” Dugang pa ni Largo.-Harold V. Pontongan ug Armando B. Fenequito Jr.