PIKIT, NORTH COTABATO (Nobembre 27) — Usa ka 16-anyos ang naangol sa pagbusikad sa usa ka granada nga gilabay sa nakamotor doul sa ‘Roadside Store” niadtong Domingo sa Gabii.
Matud pa ni Chief Inspector Teng Bacal, ang hepe sa Pikit PNP, nahitabo ang pagpanglabay alas 6:00 sa kagabhion atbang sa Ghadzaly Store sa barangay poblacion.
Giila sa kapulisan ang naangol nga si Joshu Akmad, estudyante, ug nagtindog lang sa tindahan sa dihang miboto ang granada.
Nagduda si Bacal nga personal ang hinungdan sa maong pagpanglabay o kaha tungod sa kasuko.
Niadtong petsa 11 ning bulan, duha usab ka batan-on ang nabuthan ug granada dinhi, ug hangtud karon wala pa nailhi sa kapulisan ang mga suspetsado.-Harold V. Pontongan/NewsLine
