DAKBAYAN SA DAVAO — Usa ka grupo sa mga abogado ang misang-at og petisyon og mandamus atubangan sa Korte Suprema aron pugson ang Kongreso sa paghimo og balaod nga nagdili sa political dynasties sa pagpili og mga opisyal sa gobyerno.
Ang grupo gipangunahan ni kanhi Philippine Bar Association president Rico Domingo,ug naglakip usab sa mga abogado nga sila si Wilfredo Trinidad, Jorge Cabildo ug Ceasar Oracion.
Giklaro sa grupo nga ang 1987 Constitution nagmando nga ang Kongreso maghimo og balaod nga nagdili sa political dynasties.
“Ang petisyon nagdala sa atensyon sa taas nga hukmanan kung unsa ang gihulagway niini nga usa ka” dako nga pagkawala, usa ka makaluluoy ug grabe nga pagpabaya sa Kongreso sa paghimo sa usa ka tin-aw nga katungdanan,” ang grupo miingon sa usa ka pahayag.
Ang grupo niingon nga hangtud karon wala pa mapasar sa Kongreso ang balaud kalabot sa anti-political dynasty ug padayon kining nagkadaghan.
Matod sa grupo ang Korte Suprema mahimo ug kinahanglang mopagawas ug writ of mandamus aron mapugos ang Kongreso sa pagtuman sa ilang katungdanan.
“Samtang adunay maayo nga katuyoan nga mga paningkamot sa pipila ka mabinantayon nga mga magbabalaod, ang mga rekord sa Kongreso wala magpakita nga bisan unsang balaodnon nga nagtino ug nagdili sa mga dinastiya sa politika napasa na nga balaod,” saysay sa grupo.
Samtang walay espesipikong balaod batok sa political dynasties, ubos sa Republic Act No. 10742 o ang Sangguniang Kabataan Reform Act of 2015, gidid-an ang mga kandidato nga modagan kon paryente sila hangtod sa ikaduhang civil degree nga mga naglingkod nga mga opisyal.
“Adunay probisyon ubos sa 1987 Constitution nga nag-ingon nga ang Estado maggarantiya ug patas nga mga oportunidad alang sa serbisyo publiko ug magdili sa mga political dynasties nga mahimong ipasabot sa balaod,” matud ni Ako Bicol Rep. Raul Angelo Bongalon.
“Sa akong hunahuna dili usa ka grupo sa mga indibidwal, o bisan usa ka grupo sa mga abogado ang makahangyo sa Korte Suprema nga magpugos kanamu… Kinahanglan nga ang mga membro sa lehislatibo ang mopasar ug usa ka balaod bahin sa probisyon sa political dynasty,” siya gidugang.
Gustong masayran ni Bongalon kung giunsa pagbutang sa probinsyon sa balaud nga napatik sa anti-political dynasty nga gigamit sa Sangguniang Kabataan.
Sumala ni House Deputy Speaker David Suarez Ang mga Pilipino ang angayang modesisyon kinsa ang agay ibutang sa pangtungdanan pinaagi sa eleksyon ug ang hisgutanan sa dynasty nahitabo sa kasaysayan sa politika sa Pilipinas sukad pa kaniadto,
