DAKBAYAN SA DABAW — Gidayeg sa Coordinated Operations to Defeat Epidemic (CODE) team ang health protocols nga gipatuman sa Provincial Government sa Lanao del Norte arun batukan ang hulga batok Covid-19.
Atol sa pagbisita ni Chief Implementor of the National Task Force against Covid-19 Secretary Carlito Galvez Jr., sa 2nd Mechanized Brigade sa Barangay Maria Cristina Iligan City, personal niining gipasalamatan si Governor Imelda “Angging” Quibranza-Dimaporo sa maayong pagpatuman sa mga health protocols arun nga batukan ang pagkalat sa covid-19 sa ilang lugar diin nagtinabangay ang Incident Management Team ug ang mga Municipal Local Government Units.
Sa mensahe ni Sec. Galvez , gihatagan niini ug gibug-aton ang importansya sa coordination, cooperation ug collaboration sa mga nagkalain laing ahensya sa gobyerno apil na ang mga non-government organizations, civil society organizations ug private sectors.
Ang pagtinabangay, pagpakabana ug pagresponde sa tanang sector lakip na sa publiko ang dakog tabang arun batukan ang sakit nga covid-19.
Usa sa mga giilang Best Practices sa Provincial Government sa Lanao del Norte nga walay gitugutan nga mga individual under monitoring, mga suspected nga dunay gibating mga simtomas, locally stranded individuals (LSI) ug Returning Overseas Filipinos (ROFs) ang magpabilin nga mag quarantine sa ilang mga balay.
Gimanduan nga ang tanang mga LSIs ug ROFs ang makig alayon usa sa mga IMT pinaagi sa Balik Lanorte program ubos sa Provincial Government sa Lanao del Norte pinaagi kang Governor Angging una paman sila muuli sa ilang probinsiya.
Diin ipaubos sila sa mandatory rapid test ug 14-day quarantine period sa mga facilities sa Provincial Government, sa Municipal ug sa Barangay depende sa resulta.
Gipasalamatan sab ni Governor Angging si Sec. Galvez, Sec. Martin Andanar ug ang kinatibuk-ang sakop sa CODE team-NTF against Covid-19 sa paghatag ug panahon nga mabisita ang iyahang balwarte ug makita ang health measures nga gipatuman sa probinsiya.
Local Government Units sa Lanao del Norte, Lanao del Sur ug Iligan City ug sa mga suggestions nga nadugang arun nga mas mapalambo ug mapalig-on ang mga pamaagi nga ilang gihimo batok covid-19 diin gisiguro sab nga padayong muhatag ug assistance ang national government ngadto sa mga LGUs sa ilang rehiyon.
Gipaabot sab ni Gov. Angging ang iyang dakong pasalamat ngadto kang President Rodrigo Duterte sa paghatag ug ayuda sa mga probinsiya pinaagi sa Bayanihan Grant nga dakog natabang alang sa pagpatukod sa Covid-19 Testing Laboratory, pagpalit ug medical supplies sama sa rapid test kits ug mga equipment alang sa mga isolation ug quarantine facilities sa Provincial Government.
Gipaniguro sa Provincial Government sa Lanao del Norte, “The Land of Beauty and Bounty” nga padayon kining magserbisyo, muhatag sa mga essential services ug magprotekta sa health ug security sa ilang katawhan.-Cheche N. Diabordo/Newsline.ph
